سائح أتى زيارة الى الاردن وبعد ما عاد الى بلده استنتج 67 نقطة لتأكد انك في الاردن
1- كل واحد بتقابله بحكيلك انه إله ابن عم واصل بالحكومة
2- كل مصعد كهربائي إله رائحة سامه
3- كل واحد بتشوفه بشتكي
4- معظم البنات شبه بعض
5- معظم البنات بلبسوا زي بعض
6- كل واحد بتشوفه بحكيلك إنو ضيع فرصة شراء أرض فى عبدون قبل عشر سنين بخمسين دينار الدونم !!
7- كل واحد بتشوفه بحكيلك إنه جده أول واحد إشترى مرسيدس بالبلد
8- كل واحد بتشوفه بحكيلك انه كان غني بزمناته
9- 90 % قدموا او بدهم يقدموا على جرين كارد
10- كل الناس بتبحلق فيك بدون اي سبب محدد
11- الشيك المؤجل صرفه لسنة يعتبر (كاش)
12- ما حدا بعرف يحكي انجليزي صحيح بس بشكل او بأخر ما حدا برضى يحكي الا انجليزي!!!!
13- كل واحد عنده قريب عايش بشيكاغو
14- بين كل سيارة وسيارة بتشوف بي ام دبليو موديل ١٩٨٠ (زعرة)
15- حراس الديسكوات برحبوا فيك بكلمة (كوبلز......... بس)
16- محلات المواد الغدائية بتبيع مزيل عرق!!!
17- بتشوف حادث سير كل كم كيلومتر
18- ممكن تشوف مية شخص متجمعين على بنت حلوة عشان يصلحولها سيارتها ... ومش ممكن تشوف ولا واحد يصلح سيارتك لأنو إلك بشوارب !!!
19- كل واحد بحاول يحكي انجليزي بحكي كلمة (يعني) بعد كل كلمة
20- الواسطة هي حل لكل مشاكلك
21- كل واحد بتشوفه بحكيلك أنا مدير عام ... بس مدير على شو الله أعلم
22- كل واحد عنده مشكله مع البنك وكل بنك معو مشكلة مع واحد
23- إذا كنت رايح على أمريكا... حط في بالك إنه ١٠٠ واحد راح يتصل فيك عشان يبعت معك شنطة لقرابته
24- بس تدخل مصلحة حكومية بتتفاجأ إنه الكل قرابة الكل
25- الناس لما تحب توقف طابور... بتقدر تشوف الناس بس صعب تشوف الطابور
26-في وسط البلد... كل واحد بمر جنبك راح يخلعك كتف لأنك لابس غير
27- بكل زاوية بتلاقيلك خمس أو ست أشخاص متجمعين
28- البطالة ٦٠٪
29- إذا سألت حدا من وين شاري هاللبسة.... راح يحكيلك : شارع مكة اعرف انو قصده شارع الطلياني (الباله)
30- الساعة سبعة الصبح بتشوف كل الناس ماشيه وحامله صحون حمص وفول والساعة سبعه مسا أكياس ورق فيها برضو فلافل
31- بتشوف شبين بتطاوشوا على بنت على أساس انه صاحبتهم ... بس البنت ما بتعرفهم الاثنين
32- كل الناس بتطلع رحلات على الغور
33- الشباب عاملين تاتوو على ذراعاتهم (غدار يا زمن) أو (بحبك يما) أو (لن أنساك يا أمي)
34- على الإشاره الناس بتزمرلك قبل ما تصير الإشاره خضراء
35- أعظم اختراع أردني: موس أبو سبع طقات
36- أشهر أنواع الإدمان هي: شم التنر خصوصا أطفال المدارس.
37- معظم الأطفال بسن 10 سنوات ماسكين سجاير
38- الزبالة بتكون بره الحاويات... لأنه الحاويات للبسس بس
39- إذا رحت على مستشفى البشير.. راح تعرف شو يعني (سلخانه)
40- إذا كنت بالخدمة العسكرية بتروح على بيتك مستوي .
41- التحية المتداولة : إيش يا أبو الشباب!!!!!
42- ازا كانت الدنيا حر... بدل الغور بتروح على الساحة الهاشمية
43- الشخص اللي يقوم بتفتيشك على بوابة المطار... بحكيلك: تراك حليوة
44- لك حرية الاختيار بأن تطلب (تشيز برجر) بدون جبنة !!!!!!!!!
45-معظم دخل التلفزيون الأردني من إعلانات مركز ضراغمه التجاري (قومي معي هنيه ... وين وين ....)
46- كل يوم هناك حوادث إنفجارات لأسطوانات الغاز... السبب انه يتم فحص تهريب الغاز عن طريق الولاعة!!!!!
47- بتروح على صلاة الجمعة بكندرة جديدة .... وبتروح بزنوبة
48- عشان تصدق شهادة عليك ان تقوم بجوله مكوكيه بحثا عن ١٠٠ توقيع وطابع بريد
49- بتلف على كل محلات البلد عشان صرافة ١٠ دنانير و ما بتلاقي
50- مطار عمان الدولي بسكر الساعة ١٠ ليلا !!!!!!!!
51- ازا كنت حابب تشوف حالك زمان كيف شكلك.... روح على التعبئة والتجنيد ... عندهم كل صورك بالاضباره
52- ازا بدك تخلص من مرتك... خليها تركب انبوبة الغاز فى البيت
53- بتشوف كندره صغيره معلقه على كل سلك كهرباء
54- كل مراكز التسوق : للعائلات فقط!!!!! وما فيها حدا الا العزاب
55- الشعب الاردني يعتقد ان حرس الباديه بتقدر على قوات المارينز الأمريكية
56- الكل بدخن بس ماحدا بشتري دخان (شغل سلبطه)
57- تعريف النجاح بالأردن: هو ان تفوز على نسيبك بلعبة طرنيب
58- داقق على سنانك: هو أن تفوز بلعبة تريكس بعد ما تفوز بلعبة طرنيب
59- من السهل ان تتنقل بالأردن دون مرشد سياحي لأنه لا يوجد طريق سريع الا عمان-العقبة
60- الخلوي يحمل بالجهة اليسرى من الوسط ليوازن الميدالية الموضوعة في الجهة اليمنى
61- الشعب الأردني الشعب الوحيد اللي شاف صدام حسين على القمر بدون منظار
62- الأردن الدولة العربية الوحيدة ....العطلة الأسبوعية: جمعه وسبت !!!!
63- اذا الشباب حابه تشوف صبايا بروحوا على عمان الغربية عشان يتفرجو على فتريانات المحلات كلها لعب بلاستك
64- إذا زرت حدا... بسألك شو تشرب... وببعت الولد الصغير يشتريلك من الدكانة
65- إذا الواحد ضحك كثير بيصير يقول "خير إن شاء الله" وكـأنه الضحك كثير معناتها مصيبة عالطريق.
66- اذا شاف الأردني أجنبي..بيصير يبحلق فيه وبفلله من فوق لتحت.. وإذا صحللو يحكي معاه ما بيقصر حتى لو طبّشلوا كم كلمة! الفضول بيقتله يعرف قصة حياته (اسمه وعمره وعنوانه).
67- اذا رحت زيارة عند حجات كبار- وكنت بتشتغل- أول سؤال بيسألوك إياه "قديش راتبك ؟