بس أبا اسأل ليه حبي لـك يزيـد ؟؟؟

لو دخلت بوسـط قلبـك شفتنـي
ساكنن مابيـن نبضـك والوريـد
أدري أني في غرامـك مهتنـي
بس أبا اسأل ليه حبي لـك يزيـد
ياحبيب الـروح صمتـك هدنـي
كل مافكرت أسافـر لـك بعيـد
ولو كتبت اللي تجاهـك شدنـي
مايكفي فيـك نثـري والقصيـد
أنت بـس الـي قـدرت تمدنـي
بالسعاده لين صار الدهـر عيـد
وإن سألت الفكر جـاوب بدنـي
لأجل أقلك ليه حبـك لـه فريـد
تدري إنه فـي غرامـك حدنـي
هو سبايب عشقـك الـي مايبيـد
وإن نشدت القلب صاح وردنـي
للحنـان وقـال هـذا مايفيـد !!
زادت الحيـره وشوقـي بذنـي
ثم رجعت أسأل وأجاوب من جديد
قال شوقـي يـم عينـه ودنـي
كان ودك مـن خيالـه تستزيـد
قلت لحظـه فيـه شـي يهمنـي
فيه رغبه لي وهو بيت القصيـد
ليتنـي قـدام عيـنـه ليتـنـي
لأجل يقرا في عيوني مـا أريـد
ويعرف إني في غرامـه مهتنـي
بس أبا أعرف ليه حبي له يزيـد